Co obxectivo de manter canles de comunicación en materia de investigación e innovación educativa punteira, O CIEDix mantivo reunións con representantes das principais plataformas e sistemas de xestión da aprendizaxe a nivel global. 

Na reunión do 2 de xuño de 2023, Naír Carrera Martínez, membro da Dirección Xeral de Educación, Xuventude, Deporte e Cultura da Comisión Europea, e Tommaso Dalla Vecchia, Development and Advocacy Manager de European Schoolnet, visitaron o CIEDix para explorar oportunidades de colaboración no ámbito educativo e tecnolóxico. 

Unha delegación de membros do INIBIC, Instituto de Investigación Biomédica da Coruña, constituído pola Consellería de Sanidade, o SERGAS, a Universidade da Coruña e a Fundación Profesor Novoa Santos, visitan o CIEDix co obxectivo de reforzar os vínculos co ensino medio.