O CIEDix recibiu persoal técnico e asesor educativo dos gobernos autonómicos de Castela e León, Aragón, Madrid e Estremadura durante a celebración do primeiro Congreso Internacional Observa_Acción, centrado na formación de boas prácticas educativas, o pasado 4 de outubro de 2023. 

A delegación tivo a oportunidade de coñecer de primeira man as instalacións, espazos e equipamento do Centro de Innovación Educativa e Dixital, así como os principais proxectos que se están a levar a cabo. 

Este encontro tivo como obxectivo fortalecer os lazos entre as distintas comunidades autónomas e propiciar un intercambio enriquecedor de experiencias e coñecementos no ámbito educativo.