O Foro terá como principais cometidos debater as tendencias e cambios nas demandas sociais que resulten de interese para o desenvolvemento das actividades de investigación, difusión e transferencia do Instituto, prestar apoio na elaboración e implantación dos plans estratéxicos do centro e trasladar á sociedade información sobre o ILG co fin de que acade unha maior proxección na súa co
O pasado 12 de xuño de 2024, José Andrés Echevarría Zuazo, director do Centro de Innovación en Tecnoloxías da Educación (CITED) de Cantabria, realizou unha visita ás instalacións do Centro de Innovación Educativa e Dixital (CIEDix). Esta visita reforza o compromiso do CITED coa súa misión de impulsar a transformación dixital na comunidade educativa de Cantabria, mediante a implementación de programas, proxectos e estratexias de innovación educativa e tecnolóxica.
Fréderic Rouselle, o director internacional do Groupe OEC Lille - Ozanam EPIL Campus en Francia, realizou unha visita ao Centro de Innovación Educativa e Dixital (CIEDix) dentro dun proxecto de mobilidade Erasmus+ no ámbito escolar. O obxectivo da súa visita é preparar unha acción de mobilidade escolar co alumnado en colaboración co CPI O Cruce de Cerceda.
O 23 de maio de 2024, Cristina Mercuri, xefa do Servizo de Investigación da Università per Stranieri di Perugia (Italia), visitou as instalacións do Centro de Innovación Educativa e Dixital. A visita, facilitada polo Centro Autonómico de Formación e Innovación, enmárcase nunha mobilidade do programa Erasmus+.
O conselleiro de Educación, Ciencia, Universidades e FP, Román Rodríguez, deu a benvida no Centro de Innovación Educativa e Dixital (CIEDix) a unha delegación da Consellería de Educación, Formación Profesional e Universidades do Goberno de Cantabria, que se atopa en Galicia para explorar a fondo o sistema educativo galego, con especial atención aos seus enfoques de calidade e equidade.
O Centro de Innovación Educativa e Dixital (CIEDix) acolle unha nutrida delegación de persoal docente e técnico do Instituto estatal de Calidade e Investigación escolar de Baviera (Alemaña) co obxectivo de coñecer de primeira man o desenvolvemento do ecosistema educativo galego en materia de innovación educativa e dixital. Esta visita encádrase dentro dunha acción Eramus+ KA1, ao abrigo da cal parte do persoal do CIEDix foi convidado a visitar a institución bávara, centros educativos da zona e a Ludwig-Maximilians-Universität en Múnic.
O pasado 25 de xaneiro de 2024, unha delegación de persoal inspector e docente da Rexión Académica da Borgoña-Franco Condado (Francia) visitaron o CIEDix para coñecer as principais accións e proxectos do centro, en colaboración co Centro de Formación e Recursos de Ferrol.
O conselleiro de Cultura, Educación, FP e Universidades, Román Rodríguez, e a consejera de Desarrollo Educativo y FP da Junta de Andalucía, Patricia del Pozo, visitaron o 22 de xaneiro de 2024 o Centro de Innovación Educativa e Dixital, na Cidade da Cultura. A delegación andaluza interesouse polas distintas iniciativas que se están a desenvolver neste espazo para a modernización do sistema educativo e na mellora da cualificación do profesorado.
O persoal docente integrante do grupo de traballo do proxecto Ágora Dixital reuniuse no Centro de Innovación Educativa e Dixital o pasado 23 de novembro de 2023. Esta sesión de traballo conxunta orientouse á creación e deseño de novas microsecuencias de aprendizaxe para a área STEM. As microsecuencias de Ágora Dixital son recursos educativos de carácter pluridisciplinar baseados na experimentación e no enfoque indagativo e manipulativo para as etapas de Educación Infantil, Primaria e Secundaria.
O pasado 8 de novembro de 2023, un grupo de profesorado do centro educativo Bromangymnasiet da cidade de Hudiksvall (Suecia) xunto con representantes do CPI O Cruce visitaron o Centro de Innovación Educativa e Dixital, no marco do proxecto Adverse Childhood Experience and Inter-Professional Working (Experiencias adversas na Infancia e traballo interprofesional). Este proxecto Erasmus+ KA201, coordinado desde Inglaterra, desenvólvese en colaboración cos servizos sociais do concello de Cerceda e conta con entidades socias en Suecia e Italia.