No eido da transferencia de coñecemento e internacionalización, deseñamos e implementamos modelos, procedementos e recursos para a transferencia de coñecemento educativo, tanto de coñecemento propio da competencia profesional docente como sobre o propio sistema educativo. Un dos aspectos destacados é a creación de redes de desenvolvemento profesional educativo, tanto no que corresponde a aspectos didácticos como organizativos de xestión de orientación persoal, educativa e vocacional.

No eido da Investigación, Desenvolvemento e innovación, os equipos de traballo especializados ofrecen apoio á investigación educativa en colaboración cos centros educativos, coa Administración autonómica, as universidades, grupos de investigación e entidades nacionais e internacionais. Así pois, trabállase na potenciación, deseño e acompañamento do desenvolvemento de recursos, estratexias, actividades, tarefas e métodos cunha sólida base científica e con contrastes reais nos centros educativos.